إعلانات ممولةبتجيب زباين،مش لايكات.

Spark وكالة بوتيك للإعلانات على Meta، TikTok و Google. كل حملة بتاخذ اهتمام كامل، وإنتو بتعرفوا بالضبط شو رجعلكم على كل شيكل.

بدون التزام.

بنعلن وين زباينكم موجودين أصلاً

  • Facebook
  • Instagram
  • TikTok
  • Google
  • WhatsApp

اللايكات ما بتدفع فواتير. الزباين بدفعوا.

بتعرفوا هالقصة؟

كبستوا «ترويج» والمصاري راحت

زر الترويج بالفيسبوك بجيب لايكات ومشاهدات. هو مش مبني عشان يجيب استفسارات ومبيعات.

في استفسارات، بس مش جدية

لما الإعلان بحكي مع الكل، بوصلكم ناس بسألوا «قديش السعر؟» وبختفوا.

بتدفعوا كل شهر ومش واضح على شو

بدون تقرير واضح صعب تعرفوا قديش كلّف كل استفسار وشو اللي فعلاً اشتغل.

شو بنعمل

الإعلانات الممولة هي الأساس. وكل إشي ثاني بنبنيه حواليها.

Facebook + Instagram

إعلانات Meta

حملات بتجيب استفسارات للواتساب، للتلفون أو للموقع. إحنا بنبني الجمهور، الإعلانات والتتبّع، وبنحسّن كل أسبوع حسب الأرقام.

  • إعلانات بتفتح محادثة واتساب بكبسة
  • جمهور حسب المنطقة، العمر والاهتمامات
  • تتبّع نتائج (بيكسل) مضبوط صح

TikTok

إعلانات TikTok

فيديوهات قصيرة شكلها محتوى مش دعاية، قدام جمهور ما عاد موجود بس بالفيسبوك.

  • فيديو عمودي معمول خصوصي للتيك توك
  • بداية بتوقّف التمرير بأول ثانيتين
  • نتائج بتنقاس بالاستفسارات، مش بالمشاهدات

Google

إعلانات Google

إعلانات بتطلع بالضبط لما حدا بدوّر على اللي بتبيعوه. هيك بتوصلوا لزباين جاهزين يشتروا.

  • إعلانات بحث حسب الكلمات اللي زباينكم بكتبوها
  • استهداف حسب المنطقة، عشان توصلوا للزباين القريبين منكم
  • تتبّع للاتصالات، الرسائل والنماذج اللي إجت من الإعلان

فيديوهات وصور للإعلانات

إنتاج فيديوهات منتج وصور إعلانية، كمان بمساعدة الذكاء الاصطناعي، خصوصي للإعلان الممول.

مواقع وصفحات هبوط

صفحة سريعة وواضحة بتحوّل الزائر لاستفسار.

إدارة سوشيال

صفحات فعّالة ومهنية، لزباين الإعلانات عند الوكالة.

أول بنفرجي.
بعدين بنحكي عن السعر.

بعد محادثة تعارف، وإذا في توافق، بنحضّر لمصلحتكم فيديو إعلان كنموذج. بمنتجكم، بشعاركم وبلغة زباينكم. هيك بتشوفوا مستوى الشغل قبل ما تقرروا.

  • 15 لـ 20 ثانية، مفصّل لمصلحتكم
  • بنعرضه عليكم بلقاء شخصي
  • بدون تكلفة وبدون التزام

كيف بنشتغل

أربع خطوات، بدون مفاجآت.

  1. لقاء

    بنلتقي عندكم بالمصلحة. بنفهم شو بتبيعوا، لمين، وشو بنعتبره نجاح.

  2. خطة

    بتاخذوا خطة واضحة: الجمهور، العرض، الإعلانات والميزانية. بدون بنود مخفية.

  3. حملات

    بنطلّع الإعلانات، بنفحص كل أسبوع شو شغّال وبنحسّن.

  4. تقرير شهري

    مرة بالشهر بتاخذوا تقرير بسيط: قديش صرفتوا، كم استفسار وصل وقديش كلّف كل استفسار.

  • 3

    لغاتعربي، عبري وإنجليزي بنفس الحملة.

  • 1

    عنوان واحدصاحب الوكالة نفسه، مباشرة عالواتساب.

  • ₪0

    للفحص الأولبدون التزام.

هيك بكون تقرير Spark الشهري

صفحة وحدة، بدون مصطلحات معقدة.

  • قديش صرفتواميزانية الإعلانات اللي اندفعت للمنصات، للشيكل.
  • شو أخذتواكم استفسار وصل، وقديش كلّف كل واحد.
  • شو الجايشو بنكمّل، شو بنوقّف وشو بنجرّب الشهر الجاي.
تقرير شهري مثال
ميزانية الإعلانات
₪3,000
استفسارات عالواتساب
64
تكلفة الاستفسار
₪47

استفسارات حسب الأسبوع

شو اشتغل
فيديو منتج، جمهور بأعمار 25 لـ 45
الشهر الجاي
بنزيد ميزانية الفيديو وبنوقّف الإعلان الضعيف
الأرقام للتوضيح فقط.
شعار Spark Marketing Agency

مين ورا Spark

اسمي هاشم، وأنا صاحب Spark. بنيت Spark كوكالة بوتيك، عشان أعرف كل مصلحة من جوّا وأرد على كل رسالة بنفسي.

بلتقي مع كل زبون وجهاً لوجه قبل ما نبدا، وبشتغل بثلاث لغات: عربي، عبري وإنجليزي. هيك مصلحة وحدة بتقدر تحكي مع كل جمهورها، كل واحد بلغته.

عندي ما في مدير حسابات بتغيّر كل شهرين. اللي ببني حملتكم هو نفسه اللي برد عليكم عالواتساب.

هاشم، مؤسس Spark

فحص Spark المجاني

ابعتوا رابط صفحة الفيسبوك أو الإنستغرام تبعت المصلحة، وبتاخذوا 3 أشياء واضحة بتقدروا تحسّنوها. مباشرة عالواتساب.

  • فحص للصفحة وللإعلانات تبعتكم
  • 3 تحسينات واضحة بتقدروا تطبقوها فوراً
  • بتوصلكم عالواتساب، بدون التزام

لحد 5 فحوصات بالشهر.

النموذج ما بحفظ أي معلومة. الكبسة بتفتح واتساب مع رسالة جاهزة، وإنتو بتبعتوها بنفسكم.

أسئلة شائعة

ما لقيتوا جواب؟ ابعتوا رسالة وبنرد عليكم بسرعة.

اسألوا عالواتساب
قديش بكلّف؟

ما في تسعيرة ثابتة، لأنه كل مصلحة غير. بعد لقاء قصير بتاخذوا عرض واضح بسعر شهري ثابت، حسب الأهداف وحجم الشغل.

ميزانية الإعلانات داخلة بالسعر؟

لأ. ميزانية الإعلانات بتندفع مباشرة للمنصات (Meta، TikTok أو Google)، وهي منفصلة عن رسوم الإدارة. هيك بتشوفوا بالضبط وين بروح كل شيكل.

في التزام؟

بنشتغل بدفع شهري، وغالباً مع حد أدنى ثلاث أشهر. الحملة بدها كم أسبوع لتتعلم مين زباينكم، والنتائج الثابتة بتيجي بعد فترة التعلّم.

بعد قديش بنشوف نتائج؟

أول الاستفسارات ممكن توصل من الأسابيع الأولى. لصورة ثابتة بدنا شهرين لثلاثة من الفحص والتحسين. ما بنوعد بأرقام قبل ما نشوف معطيات حقيقية.

مع أي مصالح بتشتغلوا؟

مصالح محلية بتبيع منتج أو خدمة وبدها استفسارات أكثر: معارض سيارات، محلات وماركات محلية، مقاولين وعيادات. بكل البلاد، بالعربي وبالعبري.

بأي منصة أحسن أعلن؟

حسب المصلحة. على Meta و TikTok بتوصلوا لناس لسا ما بدوّروا عليكم. على Google بتوصلوا للي أصلاً بدوّر على اللي بتبيعوه. باللقاء بنختار سوا من وين نبدا.

شو هو فحص Spark المجاني؟

فحص لصفحة الفيسبوك أو الإنستغرام وللإعلانات تبعتكم. بتاخذوا عالواتساب 3 أشياء واضحة للتحسين، سواء اشتغلتوا معنا أو لأ.

كيف بنتواصل خلال الشغل؟

عالواتساب، مباشرة مع هاشم. بدون مركز خدمة وبدون انتظار موظف.